25N: DÍA CONTRA A VIOLENCIA DE XÉNERO.

Defínese a violencia de xénero , “como a manifestación da discriminación, a situación de desigualdade e as relacións de poder dos homes sobre as mulleres”, e “comprende todo acto de violencia física e psicolóxica, incluídas as agresións á liberdade sexual, as ameazas, as coaccións ou a privación arbitraria de liberdade.”

O Día Internacional da Eliminación da Violencia contra as Mulleres celébrase o 25 de novembro en recordo do asasinato das irmás Mirabal, coñecidas como ‘LAS MARIPOSAS’, tres activistas dominicanas contra o réxime de Rafael Trujillo no ano 1960.

Sería posteriormente, en 1999, cando a ONU pedise que o 25 de novembro fose recoñecido en todo o mundo como unha xornada de reivindicación en contra da violencia de xénero.

Dende o Equipo da Biblioteca do IES A Guía unímonos a cadea de repulsa contra calqueira forma de violencia de xénero. Pensamos que xa abonda de minutos de medo, de humillación, de dor e de silencio. Temos dereito a que todos os minutos sexan de liberdade, de felicidade, de amor e de vida. Non queremos ser cómplices de situacións de violencia de xénero senón gardiáns das vítimas. NON MÁIS VIOLENCIA DE XÉNERO.

SAMAÍN

Achégase a noite do 31 de outubro. O Samaín forma parte da tradición máis enraizada e enxebre da nosa terra.

Eran os druídas os encargados de celebrar a festa celta para honrar aos devanceiros, a través de numerosos ritos.

Moito antes de que nas hortas galegas houbese cabazas, en Samaín as poboacións célticas collían as caveiras dos seus inimigos mortos na batalla e iluminábanos, para colocalos nos muros dos castros. A noite de Samaín baleiraban as cabazas e no oco interno colocaban carbón ardente para alumar o regreso dos defuntos ao mundo dos vivos, coa intención de recibirlles e, á vez, protexerse dos malos espíritos. Fadas, trasgos e todo tipo de seres feéricos poden camiñar entre nós durante o Samaín, xa que está aberta a porta entre dous mundos.

Dende o Equipo da Biblioteca temos preparada unha nova exposición de libros espeluznantes esperando por ti. Ademais estás convidado a participar no CONCURSO DE RELATOS DE TERROR. Se tes ideas terroríficas para asustar e aterrorizar a todo o instituto, este é o teu concurso. Anímate a participar.

24 outubro: Día das Bibliotecas

Dende 1997 celébrase o Día das Bibliotecas o 24 de outubro, unha conmemoración impulsada pola Asociación de Amigos del Libro Infantil y Juvenil á que se foron sumando, xa dende hai algún tempo, o propio Ministerio de Cultura e todas as administracións autonómicas. A Dirección Xeral do Libro e Fomento da Lectura, a través da Subdirección Xeral de Coordinación Bibliotecaria, impulsa a celebración do Día das Bibliotecas, este 24 de outubro de 2021. "A edición deste ano, baixo o lema “Bibliotecas: ler, aprender, descubrir” céntrase en destacar o papel das bibliotecas de diferente tipoloxía como espazos libres, diversos e abertos para o acceso á cultura e o coñecemento, a partir da lectura e do conxunto de recursos que permiten a aprendizaxe e posibilitan o descubrimento doutras ideas, outras persoas, outras culturas e outros mundos." Este curso, o lema das bibliotecas escolares de Galicia A BIBLIOTECA ESCOLAR TEN A PALABRA , quere poñer o foco na palabra e na oralidade. Este lema é aproveitado por algunhas das bibliotecas para esta celebración.

O RECUNCHO DE... BIOGRAFÍAS.

Convidámosche a que visites o noso recuncho de grandes biografías e coñezas de primeira man a vida do gran Alejandro Magno, Ana Frank, Emilia Pardo Bazán, Federico García Lorca ou Alvaro Cunqueiro. Temos unha magnifica selección de libros esperando por ti.

Lembra: non deixes para mañá o que poidas ler hoxe. Esperámosche.

Xa estamos de volta...

Dende o departamento da Biblioteca queremos darvos a benvida a un novo curso que desexamos sexa máis doado e menos convulso co derradeiro. Xa sabedes co servizo de préstamo de libros tédelo aberto durante os recreos. Este ano, tamén tedes a posibilidade de visitar o noso recuncho de xogos cas medidas de hixiene e protocolo Covid pertinentes. Tedes habilitada tamén a zona de consulta, lectura e divulgación onde atoparedes equipos informáticos, portátiles e tablets a vosa disposición. De novo voltamos co club de lectura, coordinado por Sophie Rioult, que vos irá informando das lecturas que se van levar a cabo... En definitiva temos preparadas moitas novidades, concursos, exposicións... asi que estade moi atentos ó noso blog. Non nos perdades de vista. Xa estamos de volta...

RECOMENDADOS PARA O VERÁN

 

Despois dun ano intenso  condicionado pola pandemia que estamos a vivir,  chegamos ata aquí. Dende o equipo da biblioteca recomendámosvos estas lecturas para que vos relaxedes en verán. Unha aperta e feliz descanso. 

 

Las doncellas. Alex Michaelides.

Todo Mafalda. Quino. 

A proba da auga. 

El olvido que seremos. Héctor Abad Faciolince. 

Negra. Emilie Plateau.

O infinito nun xunco. Irene Vallejo.

Unha noite no tren da vía láctea. Kenji Miyazawa. 

Cartas de las heroínas. Ovidio.

Palestina. Joe Sacco.

Los miserables. Victor Hugo. 

 Esperamos que vos gusten as nosas recomendacións. Xa sabedes que se queredes viaxar sen saír da casa, unha boa forma de facelo é mergullarse na lectura dun bo libro.

 

O EQUIPO DA BIBLIOTECA do IES A GUÍA deséxavos unhas felices vacacións.
 

Voltamos en septembro.

CONCURSO TRAILER LITERARIO

 

As nosas gañadoras do  concurso de Trailer Literario foron:

CATEGORÍA ESO.

1º PREMIO: Carmela García Losada ( 1º ESO A)

2º PREMIO: Yara Fernández Agudín e Claudia Paz Rodríguez. ( 1º ESO B)

CATEGORÍA: BACHARELATO. 

1º PREMIO: Andrea García Gómez. ( 1º BAC B)

2º PREMIO: Paula Martínez Jiménez e María José Cruz Gómez ( 1º BAC A)

3º PREMIO: Antía Salvatore Ochoa e Sara Somoza Peleteiro ( 1º BAC A)

STOP LGTBIFOBIA.

 

 

 

 

O Día Internacional contra a Homofobia, a Transfobia e a Bifobia, celébrase o 17 de maio de cada ano para denunciar a discriminación da cal son obxecto todas as persoas con preferencias sexuais diferentes ás convencionais como é o caso dos homosexuais, os transexuais, os bisexuais, as lesbianas e os queers en todo o mundo.

 

 

 

En 2021, o tema elixido para a campaña é "Xuntos: resistindo, apoiando,sanando", nunha clara referencia ao contexto actual de recuperación da pandemia de COVID-19.

Desde o equipo da biblioteca promovemos a tolerancia e a non discriminación destes colectivos e convidámosche a que visites o noso recuncho. Temos unha exposición preparada para ti.

 

 

STOP LGTBIFOBIA.

LETRAS GALEGAS 21: XELA ARIAS.

   

Xela Arias, a poeta rebelde que derrubou convencións para construír a súa independencia.

 

 

 

“	Compártome Sei que no lonxe das parábolas das frases Cortadas e os puntos a parte son só Medos escorrentados polo teu corpo Soberano dunha idea poderosa que Tal vez suceda e eu non saiba quen es ti Cando te agardo.	”
—Xela Arias, Denuncia do equilibrio (1986, Xerais).

 

 

 

 

“	Dei volta e preferín beber pola cidade adiante, nas horas á noite, mentres ti morres cando dormes.	”
—Xela Arias, Tigres coma cabalos (1990, Xerais).

 

  Deuse a coñecer en 1986 con 'Denuncia do equilibrio', finalista do Premio Losada Diéguez. Tamén foi finalista do Premio Esquío con ' Lili sen pistolas', un libro que aínda hoxe permanece inédito. Posteriormente publicou 'Tigres coma cabalos' (1990), 'Darío a diario' (1996) e ' Intempériome' (2003). Ademais, participou en libros colectivos como 'Palabra de muller' (1992), 'Rosalía na palabra de once poetas galegas' (1997) e ' Daquelas que cantan' (Fundación Rosalía de Castro, 2000).  

A rebelión, a modernidade, a experimentación e a liberdade foron unha constante na vida e obra de  Xela Arias, unha figura que rompeu cos cimentos e as estruturas arcaicas, cos roles  predefinidos e que explotou a linguaxe para edificar unha independencia  estilística e conceptual que segue de plena actualidade.

DARÍO A DIARIO

Darío a diario.

Invasión que se me convén fantástica.

Invasión sen ocasión.

Invadíuseme a vida de cueiros e biberóns,

de roupiñas pequenas e xoguetes de colores,

de risas, choros,agarimos,agarimos.

Darío a diario.

A túa man ocupa un cuarto da miña xigante,

por iso detesto un pouco tantas palabras.

Todas para ti, ¡son a raíña parlante!,

¡emperatriz de sons guturais en diante!

Tódolos bebés son tu e ningún coma ti.

Tódolos nenos son tu e ningún coma ti.

Tódolos adolescentes son tu e ningún coma ti.

Tódolos mozos son tu e ningún coma ti.

Tódolos anciáns son tu e ningún coma ti.

Tódalas nais son eu e todas,coma min, saben que es único.

 

O RECUNCHO DE...ÁLBUM ILUSTRADO

 

 

 

 

 

 Convidámosche a que nos visites na biblioteca do teu instituto para amosarche o noso recuncho. 

Temos  unha nova exposición preparada para ti sobre ÁLBUM ILUSTRADO. 

 

 

 

 

 

Lembra que podes coller o libro que queiras e levalo para a túa casa durante 15 días. 

¡ VISÍTANOS! 

BIBLIOTECA IES A GUÍA.

	
	
	


	
“Género Queer”

Maia Kobabe narra nesta autobiografía catártica o que significa ser non binario e
asexual. A viaxe para descubrir a súa verdadeira identidade na que relata a confusión
dos amores adolescentes, a loita por saír do armario, os amigos que fixo escribindo
fanfiction gay ou o trauma de ir ao xinecólogo.
Género Queer é algo máis que a súa historia, é unha guía esencial sobre xénero para
aliados, amigos e humanos en todas partes.

Maia Kobabe graduouse no California College of the Arts cunha licenciatura en banda
deseñada. 

Con Gender Queer gañou un premio Alex, o Stonewall Book Award e foi nomeada
a outros premios. Maia non é binario, queer e usa o pronom