LECTURA ON LINE

Ola rapaces e rapazas!

Dende a blog da biblioteca do IES A GUÍA queremos recomendarvos páxinas onde podedes atopar libros para ler on line. Que mellor forma de pasar o voso tempo libre, que mergullados na lectura de todos eses libros de aventuras, terror, suspense, historia, romántica, poesía, novela negra... Lembrade que LER DÁ ÁS, e eu engadiría máis LER FAITE SOÑAR.

Deixámosvos algúns enlaces onde podedes atopar lecturas apaixoantes para pasar o verán:

https://keepandreadencasa.planetadelibros.com

https://booknet.com

https://www.galiciale.gal

https://www.casadellibro.com/libros-ebooks-gratis

 

DÍA DAS LETRAS GALEGAS 2020.

En tempos de pandemia e confinados nos nosos fogares, non podemos deixar de celebrar a primavera das letras. Este ano dedicámoslle o día das Letras Galegas a Ricardo Carvalho Calero, crítico literario, filólogo, historiador da literatura galega, lingüista, novelista e o primeiro catedrático da Lingua e Literatura Galega da Universidade de Compostela. Cultivou todos os xéneros literarios con brillantez. No entanto, foi a poesía o xénero co que se iniciou na literatura e que practicou ao longo de toda a súa vida. Considerouse a si mesmo como escritor e ante todo poeta.

Unha das frases célebres de Carvalho Calero di así:

“Eu desexaría unhas

primaveras nas que

florescese sen receios

a unidade e variedade

do noso idioma e da nosa

cultura”.

Ogallá o seu desexo se cumpra!!! Por iso, este 17 de maio imos ler a carta aberta a Ricardo Carvalho Calero de María do Pilar García Negro que di:  Somos galegas e galegos. A mellor forma de que esta condición se exteriorice, de que non se disimule, de que se admita coa necesaria naturalidade e orgullo, é a práctica da nosa lingua.