8 DE MARZO: DÍA INTERNACIONAL DA MULLER.

Dende a biblioteca do teu instituto convidámosche a que te animes a ler algunha das nosas propostas de libros cos que queremos conmemorar o día internacional da muller. 





8 DE MARZO: DÍA INTERNACIONAL DA MULLER.

NOVA QUEDADA CLUB DE LECTURA: REINO DE MAnGUÍA.

 Se che gusta o MANGA ou estás interesado/a en
achegarte a este tipo de literatura: Non o dubides!
Vén a compartir connosco a vindeira sesión do Club
de Lectura, aquí, no “Reino de MAnGUÍA”
Nesta sesión atoparémonos con Madoka, Sayaka Miki
e outras Magical Girls nun universo moito máis
escuro do que ti cres.

 

 

Luns 9 de marzo de 2020 ás 15:00
Biblioteca I.E.S. A Guía

XORNADA CLUB DE LECTURA

 O pasado luns 27 de xaneiro celebramos na nosa biblioteca unha nova xornada do club de lectura, compartindo as nosas reflexións sobre o libro JULES VERNE E A VIDA SECRETA DAS MULLERES PLANTA de Ledicia Costas.










Deixámosvos algunha foto da xuntanza.

XADREZ NA BIBLIOTECA

 

Coa chegada do novo ano retomamos o xadrez na nosa Biblioteca e como novidade, este curso, decidimos contar coa colaboración dun monitor do Club de Xadrez de Mos, para iniciación e perfeccionamento do noso alumnado.

 

 O VERNES 24 DE XANEIRO tivemos a primeira quedada co noso monitor e disfrutamos dunha clase moi interesante para iniciarnos neste apaixoante xogo.

No Nadal arreMANGAte ao calor da lectura

Non te esquezas de pasar pola biblioteca do teu instituto antes das vacacións de Nadal a levarche un dos exemplais de Manga que temos preparados para ti. 

No Nadal arreMANGAte ao calor da lectura.  

Dende o equipo da biblioteca do teu instituto desexámoste FELICES FESTAS. 

CLUB DE LECTURA: JULES VERNE E A VIDA SECRETA DAS MULLERES PLANTA.

O 21 de maio de 1884 Jules Verne chegou a Vigo a bordo do seu impoñente iate. O afamado novelista levaba moito tempo atrás da pista das misteriosas mulleres planta. ¿Lograría por fin, logo de tantos anos de busca, atopalas naquela baía?

 

 

 Jules Verne e a vida secreta das mulleres planta é unha homenaxe ás novelas de aventuras, unha viaxe no tempo cargada de maxia onde todo é posible.

 

Se che apetece pasear co afamado escritor polas rúas de Vigo....


Non te podes perder a nosa próxima quedada do club de lectura.

Club de Lectura
Luns 27 de xaneiro de 2020

CLUB DE LECTURA

O pasado luns 25 de novembro celebramos a nosa primeira reunión do club de lectura deste curso. Como xa sabedes o libro proposto para esta data foi "El guardián entre el centeno". Despois de comer xunt@s na cafetería do centro, reunímonos na Biblioteca para compartir a incrible experiencia de acompañar a Holden Caulfield polas rúas de New York.
 Esperamos contar coa túa presenza na seguinte convocatoria do club de lectura onde propoñemos a lectura de "Jules Verne e a vida secreta das mulleres planta" da viguesa Ledicia Costas.

ALBUM ILUSTRADO

Nas pasadas semanas a biblioteca organizou charlas e lecturas sobre o albúm ilustrado con grupos de alumnos de 3º, 4º e 1º bacharelato.

O formato tivo moito éxito entre os nosos alumnos e dentro de pouco o teremos na nosa biblioteca.

Deíxovos algunhas fotos da actividade.

CELEBRAMOS SAMAÍN NA BIBLIOTECA

Dende o luns 28 de outubro celebramos Samaín na nosa biblioteca poñendo a vosa disposición unha chea de lecturas terroríficas, tales coma a coñecida Escarlatiña, a cociñeira defunta, os míticos Drácula e Frankenstein ou as Narraciones de Edgar Allan Poe. 

24 outubro: Día das bibliotecas escolares.

O pasado 24 de outubro celebramos no noso centro o DÍA DA BIBLIOTECA ESCOLAR.

 Repartimos este marcapáxinas entre toda a comunidade educativa cunha preciosa poesía de Gemma Pasqual e unha chea de caramelos.

JAVIER CERCAS. TERRA ALTA. PREMIO PLANETA 2019

Era un home xusto, o mundo non. Terra Alta, un thriller impactante.

Un terrible crime sacude a tranquila rexión da Terra Alta: os propietarios da súa maior empresa, Graphics Adell, son asasinados despois de ser sometidos a torturas. Melchor Marín, un novo policía e lector voraz chegado de Barcelona hai catro anos, é o responsable do caso, cun pasado escuro a remolque que lle converteu en lenda do corpo e que cre ter enterrado baixo a súa feliz vida como marido do bibliotecario de cidade e pai dunha nena chamada Cosette, como a filla de Jean Valjean, a protagonista da súa novela favorita: The Miserable.

Partindo dese acontecemento e a través dun emocionante e cheo de personaxes memorables, esta novela convértese nunha lúcida reflexión sobre o valor da lei, a posibilidade de xustiza e a lexitimidade da vinganza, pero especialmente na épica dun home en busca do seu lugar no mundo.

Javier Cercas Mena ( Ibahernando, Cáceres, 1962) é un escritor español, que ademais traballa como columnista no diario El País. Exerceu durante anos como docente universitario de Filoloxía. A súa obra é fundamentalmente narrativa, e caracterízase pola mestura de xéneros literarios, o uso da novela testemuño e a mestura de crónica e ensaio con ficción. Tamén realizou diversas traducións de obras doutros autores.

A partir da súa exitosa novela Soldados de Salamina, a súa obra foi traducida en máis de vinte países, e a máis de trinta idiomas.