RECOMENDADOS DE NADAL

No vídeo tedes as nosas recomendacións de Nadal. Disfrutade das merecidas vacacións en compañías das vosas familias e atopade algún ratiño para desconectar coa lectura dalgún dos libros que dende o equipo da biblioteca vos recomendamos. Bo Nadal e Feliz Ano 2023. 

 

EU TAMÉN ESTUDEI NA GUÍA: ARTUR PUGA

Artur Pastoriza Puga naceu en Vigo no ano 1997.

Comezou a bailar aos catro anos en Sárdoma  e despois formou parte do grupo Buxaina, que dirixe hoxe en día.

Imparte clase de baile galego en Ourense, Celanova, Xinzo e Verín e ademais colabora con colexios, institutos, asociacións etc.

Participou no Benidorm Fest acompañando ao grupo Tanxugueiras.

Artur visitou o noso instituto o venres 20 de Decembro. Foi o terceiro convidado do ciclo de entrevistas “Eu tamén estudei na Guía”.

O grupo de voluntariado da biblioteca estivo traballando para coñecer ao personaxe e preparar a entrevista, pero case nin a utilizamos. O encontro ademais de interesante foi entrañable: non estivemos co personaxe senon coa persoa, e a entrevista desapareceu para dar paso a unha charla entre amigos na que ademais de coñecer moito sobre o mundo da danza tradicional e a traxectoria profesional de Artur, coñecemos ao ex alumno que nos falou da súa etapa no instituto e compartiu con nós a súa experiencia do bulling que sufriu. 

Moitas grazas por todo, Artur. Esperamos volver a verte pronto por aquí.

NOVEMBRO: MES DA CIENCIA EN GALEGO

 

"A ciencia está chea de momentos épicos coma este. Coñecelos e transmitilos é un deber no que todos, non soamente os que somos científicos, debemos participar. Amigos: temos unha historia da ciencia tan rica como descoñecida. Cando leades unha historia coma esta, facédea vosa e transmitídea, porque cada vez que a contedes estaredes sementando a curiosidade pola ciencia e contribuiredes a facer medrar no noso pobo unha cultura científica moi necesaria, que nos permitirá avanzar como sociedade e nos fará máis libres."

 

 José Tubío, profesor, investigador e divulgador na USC

 

 

 

 

 

O equipo da  biblioteca do IES A Guía é consciente da necesidade de divulgar o coñecemento científico a través dos libros. Por iso, tedes a vosa disposición unha espléndida colección deles ademais de instrumentos científicos que te levarán por momentos o mais sofisticado laboratorio. 

 

 

 O manifesto para este ano 2022, baixo o título "O deber de coñecer e transmitir a nosa historia científica" abrirá moitas rutas de traballo e investigación coas que poder berrar "Terra á vista" dende as nosas bibliotecas escolares.

 

 

 

 

 

Non deixedes de visitarnos. 

SAMAÍN 22

"Samhainn" é unha festa gaélica que se celebra o 1 de novembro e que marca o final da tempada de colleitas e o comezo do inverno​ ou a «metade máis escura» do ano. As celebracións comezan na tarde do 31 de outubro, xa que o día celta comezaba e terminaba á tardiña.

 

 

 Pero, aínda que pareza que todo estaba bañado por un ambiente festivo, o certo é que o Samaín garda un lado en grao sumo escuro. Críase que, durante esa noite, as almas dos defuntos volvían ao mundo dos vivos. Os mortais utilizaban máscaras e disfraces co fin de escorrentar aos espíritos malignos. Tamén deixaban alimentos nas portas das casas para contentar aos mortos.

 

 Son moitas as curiosidades que rodean esta festa. Os rituais druídicos é unha delas. Dise que, durante a noite do 31 de outubro, os druídas eran os encargados de celebrar a festa celta para honrar aos devanceiros. Para iso, realizábanse diversos ritos, como recoller bagas de visgo para preparar apócemas. Tamén se colocan cabazas para espantar aos espíritos durante o Samaín. Créese na aparición de fadas e outros seres máxicos.

 

 

Finalmente, a Santa Compaña, a lenda galega máis terrorífica do Samaín. A historia conta que o 31 de outubro, un grupo de defuntos vestidos de branco e con cirios nas mans paséanse polas rúas dos pobos. O máis curioso é que quen lles guía non é un morto, senón un vivo, que anunciará a morte á primeira persoa coa que se cruzamento. Por este motivo, evitábase custe o que custe saír de casa esa noite.

 

 

Se queres pasar un pouquiño de medo, visítanos na biblioteca e atopa todas as terroríficas sorpresas que temos preparado para ti.  

17 OUTUBRO: DÍA DAS ESCRITORAS.

 

 

O Día das Escritoras celébrase desde o ano 2016, por mor dunha iniciativa emprendida pola Biblioteca Nacional de España, a Federación Española de Mujeres Directivas, Executivas, Profesionais e Empresarias e a Asociación Clásicas e Modernas, o primeiro luns posterior á celebración da festividade de Teresa de Jesús. En 2022 coincide co 17 de outubro. O lema deste ano é 'Antes, durante e despois das guerras'

 

 

 

Dende o Equipo da Biblioteca do voso instituto queremos reivindicar o labor e a traxectoria das escritoras, tantas veces relegadas a un segundo plano ao longo da historia.  Habería que preguntarse a razón pola que nos séculos XVIII e XIX moitas delas ocultábanse tras un pseudónimo masculino. Ou o que motiva que, a día de hoxe, siga habendo mulleres que publican baixo siglas ambiguas, J. K. Rowling (Joanne Rowling) e R. J. Palacio (Raquel Jaramillo Palacio) entre outras.

“Un ano máis – avanza Ana Santos Aramburo, directora da BNE – recuperamos a palabra de mulleres escritoras que nos seus textos reflicten sentimentos, procuras e loitas. Mujeres valentes cuxa obra, en moitas ocasións, foi ignorada. Rescatar hoxe a súa voz é un acto de xustiza e recoñecemento cara a todas elas”. 

 

Lembrade que no voso centro, tedes a unha maravillosa escritora galega, a vosa profesora de Tecnoloxía: Pilar Ortega,  con moitos libros publicados, algún dos cales tédelos a vosa disposición na biblioteca.

 

10 OUTUBRO: DÍA MUNDIAL DA SAÚDE MENTAL.

O Día Mundial da Saúde Mental, que se celebra anualmente o 10 de outubro, ten como obxectivo concienciar acerca dos problemas de saúde mental en todo o mundo.

A saúde mental infanto-xuvenil é unha das principais materias pendentes da sanidade española que é urxente mellorar. Segundo a Organización Mundial da Saúde (OMS), no mundo, unha de cada sete persoas mozas de 10 a 19 anos padece algún trastorno mental.

A educación emocional é unha das pezas crave para fomentar a saúde mental desde as primeiras etapas da vida. Pero, ademais, existen unha serie de factores de risco que inflúen na saúde mental de nenas, nenos, adolescentes e mozos como son ser vítima de abusos sexuais, de acoso escolar ou ciberbullyng, o xénero, as expectativas sobre o emprego ou o cambio climático, as adiccións con ou sen substancia, a soidade non desexada, ser migrante ou sobrevivir a un conflito bélico.

Lembrade sempre que tedes dereito a crecer en benestar e non vos esquezades nunca que se pode pedir axuda ós maiores se deixades de sentirvos ben convosco.

Desde o Equipo da Biblioteca do teu instituto convidámosche a que visites a exposición de libros relacionados co tema que vos preparamos.

LECTURAS RECOMENDADAS PARA VERÁN

XADREZ NA BIBLIOTECA

Este curso tivemos a sorte de contar con Brais, monitor do Club de Xadrez de Mos, que impartiu tres cursiños durante os recreos ao alumnado e profesorado do centro. PARABÉNS!!!

ATA SEMPRE AMIGO: DOMINGO VILLAR

 

"Baixo a forma  policíaca o que eu escribo é un conto de amor a Galicia".

"Ao principio, confeso que (Caldas) parecíame un tipo un pouco  lánguido de máis, pero co tempo aprendín a valorar a súa forma de ser". DOMINGO VILLAR.

 

Domingo Villar embarcou no último barco, deixando ollos de auga salgada en familiares, amigos e admiradores. Na praia dos afogados quedaron os seus personaxes  e no corazón dos lectores  as súas historias. Ata sempre compañeiro.  Quédanos Leo Caldas.

EU TAMÉN ESTUDEI NA GUÍA: MARCOS CALVEIRO

Marcos Calveiro (Vilagarcía, 1968), neto de feirantes taberneiros é licenciado en Dereito. 

 Deuse a coñecer como narrador coas novelas xuvenís "Sari soñador de mares" (2006) e "Rinocerontes e quimeras" (2007). 

En 2007 recibiu o XVIIIº Premio Ala Delta de Literatura Infantil por "O carteiro de Bagdad", novela editada en galego e castelán, que logo recibiría o Premio White Ravens en 2008. 

 Despois, mereceu o Premio Barco de Vapor de Literatura Infantil 2008 por "O canto dos peixes" (2008), o Premio Lazarillo de Literatura Xuvenil 2009 e Premio Fervenzas Literarias ao Mellor libro Xuvenil, 2010 pola novela "O pintor do sombreiro de malvas" (Xerais 2010) e o Premio Merlín de Literatura Infantil 2012 por "Palabras de auga" (Xerais 2012). 

Na colección Sopa de Libros publicou "Unha casiña branca" (Xerais, 2015). En 2011 publicou "Lois Pereiro. Náufrago do paraíso" (Xerais 2011) e "Centauros do norte" (2011) polo que obtivo o Premio Raíña Lupa de literatura infantil e xuvenil 2010. 

Tamén é autor da tetraloxía "El samurai del rey" (2010-2011). A meirande parte da súa obra está traducida ao castelán e catalán.

 

 

En Xerais Narrativa leva publicadas dúas novelas: "Festina lente" (2008) Premio da Crítica 2008 (narrativa), Premio Fervenzas Literarias ao Mellor Libro de Narrativa adultos, 

 

 

 Autor do ano 2008 e Premio Irmandade do Libro ao Mellor Libro Galego do Ano 2009 e "Setteccento" (2010). 

Na colección Fóra de xogo tamén ten publicadas as novelas "Todos somos" (Xerais 2013), "As palabras poden matar" (Xerais 2015) e "Todos fomos" (Xerais 2021). 

Como poeta publicou "Cartas do terceiro día" (2007), VIIº Premio de Poesía Concello de Carral. 

Mantén aberto o blog Alfaias http://alfaias.blogaliza.org e o perfil en twitter @calveiro

Grazas pola túa visita. Esta sempre será a túa casa.

8M: DÍA DA MULLER TRABALLADORA

 

A historia deste día remóntase máis de 100 anos atrás, concretamente o 8 de marzo de 1875 en Estados Unidos, como recolle Nacións Unidas na súa páxina web. Nesa xornada, centos de traballadoras téxtiles coñecidas como "garment  workers" dunha fábrica de Nova York manifestáronse buscando a igualdade salarial respecto a os seus compañeiros homes e unha mellora das súas condicións laborais.

 Lamentablemente, 120 traballadoras foron asasinadas a mans da policía. Con todo, este masacre serviu para que en 1877 creásese o primeiro sindicato feminino da historia.

Non foi ata 1908 cando ocorrería outro dos acontecementos máis importantes da loita feminista. 

15.000 mulleres traballadoras saíron ás rúas de Nova York baixo o lema de 'Pan e Rosas' contra as xornadas interminables, as condicións inhumanas e os penosos salarios.

O 25 de marzo de 1911, sucedeu o que a Organización Internacional do Traballo ( ILO) cualifica como o desastre industrial con máis vítimas mortais da cidade de Nova York. 146 traballadoras morreron nun gran incendio na fábrica téxtil  Triangle  Shirtwaist por mor de derrubes, queimaduras e intoxicación por fume. 

 O movemento  chegou tamén a Europa. Concretamente foi en 1910 na II Conferencia Internacional de Mujeres Socialistas de Copenhague. Ao evento asistiron máis de 100 mulleres de diferentes países, entre elas Clara  Zetkin, política implicada na loita pola igualdade. Foi ela quen lanzou a proposta, aprobada por unanimidade, de conmemorar o Día da Muller no mes de marzo co obxectivo de lograr o sufraxio feminino.

En España, non foi ata 1977 cando tivo lugar a primeira manifestación feminista denunciando a desigualdade de dereito entre sexos así como outras cuestións sociais: despenalización do aborto, liberdade sexual ou maternidade.